ఈ సంఘటన తెలుసుకున్న తరువాత తరతరాలుగా ఆర్యవైశ్యులు అన్ని ప్రాంతాలలో సత్రాలు, ఆలయాలు, పాఠశాలలు, కళాశాలలు, ఆస్పత్రులు కట్టి ప్రజాపయోగ కార్యక్రమాలు అనేకం చేసారు. వారిలో చాలా మంది చరిత్ర పుటలలో మిగిలిపోగా వారి వారసులలో ఎవరో కొద్ది మంది తప్ప చాలామంది సమాజంలో ఎటువంటి గుర్తింపును పొందలేక పోతున్నారు.

          అందువల్ల వాసవీ ఫౌండేషన్ తమ సమాజ సేవలో భాగంగా, ఎవరైతే గుడి, బడి, సత్రాలవంటి సమాజ కార్యక్రమం చేసారో, వారిని కాని, వారి వారసులను కాని వారి వారి ప్రాంతాలలో కాని, తిరుపతిలో కాని సన్మానించి తగురీతిని గౌరవించి పత్రికలోను, వెబ్ సైట్ ద్వారా వారి ఉనికిని ముందు తరాల కోసం భద్రపరచాలని నిర్ణయించాము.

          దీనికి గాను కార్యాచరణ కమిటి సభ్యులుగా ఈ క్రింది వారు స్వయంగాపాల్గొన టానికి అంగీక రించారు. వారి సూచనల మీద వాసవీ ఫౌండేషన్ వెబ్ సైటులో కోమలమ్మ స్మృతి పీఠం తరపున యావన్మంది మీకు తెలిసిన సదరు ధార్మిక పరుల వివరాలను వారి ద్వారా ఇందులో పొందు పరచిన అప్లికేషన్ పూర్తిచేసి మాకు మెయిల్ చేయవలసినదిగా కోరటమైనది.

          ఇటువంటి అద్భుతమైన కార్యక్రమానికి, కార్యాచరణకు తమ తమ సహకారాన్ని అందచేయవలసినదిగా కోరటమైనది.

          ఈ విభాగానికి క్షేత్రస్థాయి కమిటీ సభ్యులు, జిల్లా స్థాయి కమిటీ సభ్యులు ఉంటారు. జిల్లా స్థాయి కమిటీ సభ్యులు సూచించిన వారికి వారి వారి జిల్లాలలో ఆయా జిల్లా ప్రముఖుల సమక్షములో తగురీతిన సన్మానించి వారి పూర్వికులు చేసిన సమాజ సేవలు ముందు తరాలకు ఆదర్శవంతంగా వుండాలని తెలియచేస్తూ స్థానిక మీడియా ద్వారా తగిన గుర్తింపును తీసుకు రావాలనేదే ఈ స్మృతి పీఠం ఆశయం.

క్షేత్రస్థాయి కమిటీ సభ్యులు